معنديش وقت ....
اوعوا تزعلوا
اصل مستكه شدة ودانى..علشان البوست ده
وهددتنى تهديد رهيب انها تعمل الشوربه.من غيرى
وطبعا بما انى مقدرش اتخيل شوربه من غيرى جيت جرى ومعايا ..البوست الجديد
طريقة عمل ميداليه من أى بواقى فى البيت
بس أهم شئ المكونات الاساسيه
يعنى لازم يكون عندنا سلك رفيع...ممكن سلك من بتوع الكهرباء
بس نغطيه باى شئ... علشان المظهر
الحقيقه انا اشتريت من الموسكى....سلوك ملونه شكلها جميل اهوه
بعدين نجيب من عند بتاع الكلف والخيوط...دواير الميداليات
ودى صورة الدايرة والسلك
لو مش عارفين دوروا على ميداليه قديمه وخدوا الدايرة بتاعتها
هندخل السلك فى الدايرة ونلفه حوالين نفسه ...بالشكل ده
وبعدين ندخل خرزة كبيرة..ونلف السلك تانى بالشكل ده
وبعدين نبد ندخل من كل طرف خرز 3 خرزات فى كل جانب بالشكل ده
وبعدين نلف السلك على بعضه بالشكل ده
آجى للذراعين..هاجيب سلك بلون تانى
والفه من عند الراس بالشكل ده
وابتدى أدخل الخرز علشان اعمل شكل الذراعين بالشكل ده
بعدين الف الطرفين الموف كل واحد على نفسه علشان الخرز
ميخرجش ويدينى شكل ايد
وبعدين
ابتدى ادخل خرز فى كل جانب علشان يبقى على شكل رجلين
ابتدى افنش الرجلين واقفل السلك على نفسه...بالشكل ده
وبكده ابقى خلصت الميداليه وهتكون بالشكل ده 
.jpg)
Atom Feed (xml)
هناك 12 تعليقًا:
مستكه يا حبيبتى
انا نزلت البوست...
هاتشوفينى بعد سنتين...طلعت روحى
وفصوصى خرجت من قشرتها
ومش عارفه هاعمل ايه فى رمضان
عاوزة الم فصوصى
يارب البوست يعجبك
الله عليكي ياحبهانه
ايه الجمال ده
فكره جميله جدا وبسيطه خالص
وممكن اي حد يعملها مش محتاجه حد محترف
لا والجميل انها ممكن تتطور ونعمل اشكال تانيه وكمان ممكن نعمل ميداليات للموبايل هتكون جميله اوي
ان شاء الله احاول اعمل منها في اقرب وقت
تسلم ايدك يا حبه وسلامة فصوصك من كل شر
ومتغبيش عن هنا تاني ولا .....
هههههههههه
احبك جدا جدا في الله
جميييييييلة
بصراحه لم اتوقعها بهذا الجمال
ما شاء الله
نحاول نعملها بقى
شكلها حلو و واضح انها سهله .. حضرتك مفكرتيش تستخدميها بشكل تجارى .. يعنى هيا تكلفتها كام مثلا ولو هتتباع لمكتبات او حتى محلات جمله تتباع بكام وهكذا
اهلا وسهلا يا موني
نورتي المكان
وخصوصا اني مقلتلكيش تيجي ولا شديتك من ايدك ولا اي حاجه خااااالص
انا عارفه انه المدونه بتاعتنا ذائعة الصيت لوحدها ههههههههههههه
يلا شدي حيلك واعملي الميداليه وورينا شطارتك
اهلا وسهلا يا بشمهندس رمضان كريم
بخصوص الميداليه حبهانه تجاوبك
بخصوص فخفخينا بئه انا مش عارفه ادخلها وشكلي انطردت ولا ايه
وش هيعيط كمان شويه
يا اخت مستكه دة عشان حضرتك مسجله اتنين حساب على جوجل ..
الاتنين فيهم مستكه وحبهان وواحد فيهم فقط اللى مسجله فيه بفخفخينا
واضح انك بتخشي بالتقليد مش الاصل
اولا تخشي بالباصه والايميل بتاع المدونتين عشان تدخلى فخفخينا
ثانيا تخشي بالتقليد على هنا وتشيليه من layout منعا للخبطه فقط
ثالثا حد يجيبلى الميداليه دى هديه
واااو
تحفة بجد يا حبهانه
هعملها ان شاء الله
ما شاء الله بجد جمية اوي
مستكه يا حبيبتى
انا كمان بحبك قوى قوى فى الله
الحمد لله انها عاجبتك
امنيه..جربيها وقولى لنا النتايج بالصور
على فكرة ممكن تستخدمى زرايز بدل من الخرز...نورتى الشوربه..ااقصد المدونه
باشمهندس وائل..مش حضرتك برضه ابو نسمه
هى تقدر تقول تتباع بخمسه جنيه..جمله
وقطاعى 7
وبيختلف السعر حسب المكونات..فى خرز رخيص وفى خرز غالى
بس لو حضرتك تقدر تعرف حد يسوق لنا ممكن نفكر فى الموضوع بشكل جدى
حضرتك كده هتخلينى افكر بجد
حضرتك منور الشوربه..المدونه
نفرتيتى..
منتظرين انك تنفذيها
منتظرين الصور
منورة المدونه
حبهانه علي اساس ايه بتحددي السعر التكلفه بس ولا المصنعيه كمان
هو طبعا لازم مشروع زي ده يتحسب فيه المصنعيه لانه مش سبيل
بس مش شايفه انه السعر اللي قلتيه عالي عليها
اصلي جايبه ميداليه جاهزه خامتها احلي من كده واكتر وبسعر القطاعي بخمسه جنيه فقط
فانا كنت بسال هو حد حددلك السعر ولا انتي بتتوقعي كده
مستكه يا حبيبتى
بصى لما بتعملى شغل للسوق
أكيد الخامات تختلف
الميداليه دى من بواقى اشياء فى البيت
لكن لما تيجى تعملى شغل هيكون مفروض تجيبى خامات قويه..علشان
تكون فيها إحسان...وتميز
ومتنكسرش..يعنى الفكرة نفسها ممكن تعمليها حتى بالاحجار الكريمه
انت وراحتك
بس انا لما اتعلمتها..اللى علموهاللى لما اشتريتها منهم أخدوا منى 5 جنيه
على كل حال..انا عاملها علشان آخد ثواب زكاة عن شئ اتعلمته
بس مفكرتش اعمله مشروع بس ممكن يكون فكرة حلوة لهدايا
على فكرة ممكن ان شاء الله بعد رمضان اعمل بوست للرسم على الطرح القديمه لتجديدها
ان شاء الله
ربنا يتقبل منا ومنك يا حبيبتى
فين البوست اللى قلت عليه منتظرينه
حبهانه جزيت خيرا علي التوضيح
اصلي بصراحه مش بفهم خالص في الكلام ده
ولا اعرف بيتقدر ازاي يعني
فكنت بسال عشان كده
بس فعلا الفكره ممتازه وجمالها في انها ممكن تتطور اصلا وينتج منها اشكال تانيه
انا مش هرتاح الا لما اجرب واوريكم النتايج باذن الله
وربنا يستر
اما بخصوص البوست الجديد ان شاء الله انزله الان
عايزه رايك فيه ضروري ان شاء الله
رمضان كريم يا جميل
إرسال تعليق