عيد اضحي مبارك

كل سنه وانتم طيبين

عيد سعيد علينا وعلي الامه الاسلاميه يارب

وحج مبروك لكل حجاج هذا العام

وعقبالنا يارب العام القادم

عيد اضحي مبارك

مقرمشات الذره

مقرمشات الذره

المقادير :

1 كوب دقيق ذره صفره

ملعقة زبد صغيره

ملعقة ملح صغيره

ماء ساخن حسب احتياج العجين

الطريقه :

يوضع الدقيه وعليه الملح والزبد ويزود بالماء الساخن حتي يسيح الزبد ويعجن جيدا ويراعي ان يكون قوام العجين سايب وليس متماسك (شرط لنجاحها )

ناتي بصينيه تيفال (لعدم التصاق العجينه ) وبظهر الملعقه يتم فرد العجينه في شكل وحدات الشيبسي ( اهم شيء مش نعملها تخينه عشان تطلع مقرمشه لو تخناها بالمعلقه هتكون طريه شويه زي العيش ) وممكن وضع الجبن الرومي المبشور علي وشها حسب الرغبه .

ثم توضع في الفرن

ملحوظه هامه : الوقت المستغرق في الفرن بسيط جدا لا يتعدي دقيقه او اتنين لانها سريعة السوي

ممكن تاكل لوحدها او مع الجبن بانواعه او مع الشاي او أي صوص

وبالهنا والشفا

وإذا الموؤدة سئلت . بأي ذنب قتلت ...

الوأد النفسي

لا يختلف كثيرا عن الوأد في العصر الجاهلي فكلاهما يؤدي الي الموت

فلا فارق كبير بين موت النفس وموت الشخصيه وطموحها في كلا الحالتين هي بلا روح

- فعندما تتوقف الدنيا من حولك وتختل موازينها لمجرد انكِ مازلتٍ أنسه في الثلاثين ... فهذا وأد

- عندما تقام حولكِ كل الأسوار والقيود لمجرد حمل لقب مطلقة او أرمله فهذا وأد

- عندما تتخلي عن أهم وأكبر أحلامك لإرضاءمن تحبيهم دون تقديرهم لذلك ...فهذا وأد

- عندما تكوني شخصيه ناجحه وقويه وتحاربي بكل الطرق لمجرد أنكِ إمرأه... فهذا وأد

فحينما تتحكم في مصائرنا تقاليد باليه وعقول تعاني الانفصام الفكري فلن أندهش أبدا من عودة العصر الجاهلي ووأد المرأه الذي لن يكون بيد رجل واحد .... بل المجتمع بأكمله .

جاااااااوب وبصراحه مرة وانت متفاءل ومرة وانت عااادى

عندى شوية...جمل محتاجه تكلمة

ممكن تكملوا عليها

هى يعنى علشان نعرف ازاى الناس ممكن تكون إيجابيه فى تفكيرها أو سلبيه

بس والله لازم وبصدق

ومنعا للاحراج

يعنى ممكن مرة لو انت متفاءل هتقول إيه ولو إنت او طبيعى شخص عادى هتقول إيه


................................................





نبتدى
1-لا انجح فى اى عمل اقوم به لذا...........

2-لا احد يفهمنى...........

3-ليست لدى المقومات الكافيه لذا..........

4-لن اتغير لابد من خطا فى شخصيتى لذا.........

5-لن يغير النا س رأيهم فى لذا......

6-لا أحصل على ما أريد الحياة كانت عباره عن مشكله تلو الاخرى لذا..........

7-لقد كنت كذلك لفترة طويله والتغيير الان متاخر جدا لذا....

8- ليست لدى المقومات الكافيه لذا.......

9-أنا على ما أنا عليه لان والدى لذا....

10-أهلى لم يعلمونى السيطرة على عاداتى السيئه لذا

....................................................


اسئله تخص المتزوجين

لا يمكننى تحمل ما الطرف الاخر لما توزجتها ..او تزوجته ..........لذا1-

2- اشعر بملل كبير من هذا الزواج ............ لذا

3- لم يعد هناك حب او رمانسيه فى زواجنا ............لذا

4-عندى دائما قلق مما سيكون ........لذا

حينما اغضب لا يوجد ما يوقفنى ...........لذا

بنت من الزمن ده !

بنت من الزمن ده

مسلسل اخر يضاف لقائمة دراما الاعاقه النفسيه ومنتهي الاستخفاف بعقلية المشاهد

ولا اعلم لماذا يصر صانعوا الدراما قمة الاصرار علي تهييف وتهميش هذه العقليه

علي الرغم ان المشاهد نفسه هو لب هذه الصناعه فهي المفروض في الاساس اليه

وحتي لا اخرج عن الفكره الاساسيه لموضوعنا

فبما اني احد بنات الزمن ده علي ما اعتقد وادعي فكان لازما ولابد وحتما ان ابوح بما يكتم علي مراوحي (ممكن اروح فيها ياناس )

اخشي ان اصاب قريبا بالهسهس ان لم اصل لاجابه لذلك السؤال :

من اين اتي المؤلف بهذه البنت (شروق) التي من الزمن ده ؟؟!!

فانا في هذا الزمن من زمان كما تدعي شهادة ميلادي ولم اري او اسمع عن هذه البنت

دعوني اعرض فكره لمن ليس لديه فكره

المسلسل باختصار شديد عن احد فتياة الشوارع

والفارق بينها وبين غيرها من زميلاتها انها تعيش مع اسرتها الفقيره في احد العشوائيات او الخرابات اذا جاز التعبير

اي انها تعرف اصلها من فصلها

طبعا صورها المؤلف في ابهي صور الشجاعه والمجدعه والامانه والاباء والكرامه والضمير ونظافة اليد وزكاء العقل والنباهه ....الخ

وطبعا من اجل الحبكه الدراميه وحشو الاحداث لتصل الي 30 حلقه ويزيد لابد ان تتعرض لكم من المشكلات والازمات والتي اذا تعرض اي انسان طبيعي لنصها كانت كفيله للقضاء عليه بالسكته القلبيه والشلل الرباعي

وعلي الرغم من ذلك ممكن تمر هذه الاحداث مرور الكرام

لكن وبما اني بنت من الزمن ده لايمكن ولا يجوز ولا يصح ان امرر رغبة الكاتب الغريبه جدا

في تعليق الشاب الجامعي خريج كلية الهندسه الوسيم ابن رجل الاعمال الناجح بهذه الفتاه علي الرغم من رؤيته لها في اشارات المرور بملابسها المرقعه وبيئتها العشوائيه واسرتها المفككه سيئة السلوك !!

ولن اغفر له بتاتا هروبه من مشكلة وضعها هذا وتغيير وضعها علي النقيض تماما بتكفل احد علماء الاجتماع لها واجراء بعض التجارب والابحاث عليها علي غرار مسرحية سيدتي الجميله وتحويلها من شخصيه متشرده عشوائيه الي باحثه حاصله علي الماجستير واجادتها للعديد من اللغات وزواجها ن ابنه الدكتور وذلك خلال خمس سنوات فقط لا غير !!!!!!!!!!


بالطبع لا احقر من اهل العشوائيات واصحاب المهن البسيطه

ولا استهين ابدا بكل انسان طموح للوصول للافضل

لكن مالم اسمح به الاستهانه بي كمشاهد عموما

وكبنت من الزمن ده خصوصا

خمس سنين !!

خمس سنين من انسانه جاهله متشرده الي باحثه حاصله علي الماجستير !!

مهندس شاب متعلم ذو مستوي اجتماعي مرموق يتمسك بهذا النموذج ويتحدي العالم من اجله ويرفض الارتباط بسواها !!!

دي شهادة محو الميه لوحدها بتاخد تلات سنين علي الاقل

ويرجعو يقولو دراما الواقع واحنا بنمثل واقع ملموس

لعل اسم العمل الاصلي : " بنت من المريخ " ولكن تم التغيير للتمويه !

امضاء : بنت من الزمن دهون *_^

يتبع

عيد سعيد

كل سنه وانتم طيبين

عيد سعيد علينا وعلي الامه الاسلاميه اللهم امين

سمبوووووووسك

السلام عليكم ورحمة الله وبركاته

انهارده هنعمل سوي سمبوسك

وده نوع حلو زي القطايف كده بس الذ بكتييييير من القطايف

كمان سهله

المقادير :

1كوب دقيق

ملعقه كبيره زبده او سمنه

نصف كوب لبن (او اقل حسب احتياج العجين )

ربع ملعقه صغيره ملح

ربع ملعقه ضغيره سكر

مكسرات للحشو (زبيب - جوزهند - فول سوداني - سكر -قرفه ...الخ)

الطريقه :

1- يرب الزبد جيدا حتي تسيح

ثم يوضع الدقيق علي الزبد ويراعي نخله (عشان يدخله الهوا والسمبوسك ميكونش مكتم )

ونقلب جيدا حتي يمتزج الدقيق بالزبد

ثم نضع الملح والسكر واللبن ونراعي مع وضع اللبن ان يكون علي مرات وحسب احتياج العجين

لان ممكن الدقيق لا يحتاج كمية اللبن كلها

ثم تعجن جيدا حتي تصبح العجين قطعه واحده

ثم تكور العجينه كور صغيره

وتفرد كل كره بحيث تكون رقيقه ونضع في منتصفها الحشو

وتقفل بطريقه معينه : تثني الاطراف علي بعضها

ونيجي من الحرف ونلف الاطراف علي بعضها كما هو موضح بالصور ونراعي احكام الغلق عشان متتفتحش اثناء القلي

كده جاهز علي القلي في الزيت زي القطايف بالظبط

بس ناخد بالنا انها بتتحمر بسرعه جدا

مش بتاخد وقت علي

وعشان نتاكد من نجاح السمبوسك هنلاقيها فارغه من جوه

يعني عاليه ومش لازقه في بعضها

بعد كده نرش عليها سكر ناعم

وبالهنا والشفا

ياريت تجربوا وتقولولي رايكم

انت والمطبخ ورمضان

السلام عليكم ورحمة الله وبركاته

رمضان كريم عليكم وعلينا اللهم امين

وينعاد علينا وعلي الامه الاسلاميه باليمن والبركات يارب

طبعا كلنا عارفين انه شهر الطاعات

والكنافه والقطايف والمحمر والمشمر

وعشان كده مش بنلحق ندي للشهر حقه

وهو شهر واحد في السنه كلها

عشان كده ايه رايكم نشوف شوية افكار نوفر بيها وقت ومجهود في الشهر ده عشان نستثمره صح يعني مطبخ طول

النهار وقيام طول الليل مش هينفع خالص

فياريت اللي عنده أي فكره ميبخلش علينا واهو كلنا نستفيد

مثلا بالنسبه للاكل وتحضير الفطار

نحاول نشوف ايه الحاجه اللي بنحتاجها كل يوم

- مثلا الرز يتنقي ويتنضف ويكون علي الاستخدام علي طول

- الخضار فيه ناس كتيره بتخزنه عشان تستخدمه في غير اوانه زي البسله مثلا وغيرها لو عندنا فعلا ده كده هنكون وفرنا حاجه من المجهود لانها هتكون جاهزه

- لو باميه تبقي متقمعه وجاهزه علي الطبخ علي طول

- مثلا القلقاس ده اوانه مش هيكون جاهز بس ممكن نجهز خلطة الخضار بتاعته ونحطها في الفريزر ووقت الطبخ تكون جاهزه علي طول

- ومفيش مانع اننا نطهي الصلصه ونحطها بالفريزر ودي بتنفع جدا في بعض الاكلات الصعبه خصوووصا المحاشي اللي بتاخد وقت كبير في التحضير

- بالنسبه للحوم سواء فراخ او لحم بقري او مفروم مفيش مشكله خالص اننا نحطه في الفريزر طبعا ده بكميات معقوله علي حسب استخدامنا

- لو بتعملي كفته كتير بيكون مريح جدا لو عملتيها وصبعتيها وحفظتيها في اطباق فايبر في الفريزر ويادوب علي التحمير وخصوصا انه معظم الناس بتحب النواشف في رمضان

- لو علي المخللات كتير بيفضلو انهم يخللوا الحاجات اللي بيحبوها قبل رمضان بفتره وده بيكون افضل وانظف واوفر

والاهم واللي مش لازم ننساه ابدا اننا نستخدم كل حاجه بكميات معقوله ودايما نفتكر انه في ناس تانيه في مجاعات

فالنعمه اللي ربنا رزقنا بيها المفروض نستخدمها بعقل وحكمه

يعني نطبخ الحاجه علي اد طاقتنا ومش لازم نرمي كل يوم حلل مليانه من خيرات ربنا لانه في الصيام محدش بيفضل

البايت لو الاكل زاد علينا نصرفه في ساعتها علي طول لحد محتاج ممكن ميكنش فطر كويس يتعشي بيه مش نستني

لتاني يوم لان فيه اكلات لو باتت مش هتكون حلوة

طيب لو عندي اكل بايت مش هرميه بس عايزه اجدد فيه اعمل ايه ؟؟

فيه بعض الاكلات ممكن نتصرف في تحويلها لاكله جديده طيب زي ايه

مثلا السمك

اكلة السمك لو باتت مش بتكون ظريفه ابدا وخصوصا بئه لو مشوي

طيب دا اللي اتبقي كان كتير خساره ارميه ؟

طبعا لا ناخد السمك ونقشره ونفصصه واخد كل اللحمه بتاعته واضيف عليها توابل ملح وفلفل وكمون وكزبره واقطع

عليها بقدونس اخضر مع فصين توم وبصله وثمرتين بطاطس مسلوقه واهرسها كويس جدا

وبعدين اصبعها زي الكفته تمام واقليها بالبيض والبقسماط وتتاكل مع طحينه ولا بابا غنوج تبئي تحفه

كده بئه عندي اكله لذيذه خالص كفتة السمك واعمل جمبها رز احمر بالبصل والتوابل وبئت اكله في منتهي اللذه ومش رمينا حاجه


طيب لو اللي بات عند لحوم هقول برضه مش مشكله خالص

سواء كانت لحمة او فراخ او بط حتي لما بتبات طعمها مش بيكون لذيذ ممكن اخدها وافصصها نساير صغيره وبعدين

اقطع فلفل اخضر وقطع طماطم وبصل اشوحها في شوية زيت ولما يدبلو شويه احط عليهم ملح وفلفل وبهارات وشعرة

قرفه مطحونه وجوزة الطيب وبعدين اضيف عليها اللحم المقطع واسيبها شويه علي النار لما تاخد من بعضها وارفعها

وادي اكله تانيه مع طحينه برضه بتتغمس بتكون لذيذه جدا نحمر جمبها بطاطس ولا حاجه او شوية ملوخيه

الجميل فعلا انك مش بترمي حاجه ومش بتاخد منك وقت خالص غير الطعم الذيذ

لكن فيه اكلات مينفعش معاها تغيير دي بئه بنصح انه قبل ما نصلي العشا نكون اتصرفنا فيها منها مش هتبات ومنها حد تاني يكون انتفع

طيب بالنسبه للحلويات نعمل ايه

الحلويات لو باتت مش هيجري لها حاجه بس ممكن تنشف شويه و يزهئوا منها مثلا :

القطايف:

لما تبات بتطري ومش بتكون لذيذه اما لو محشه كريمه لا يفضل انها تبات اصلا لذلك ياريت لو هنعمل قطايف نعمل علي

اد استخدامنا اليومي فقط لا غير ولو مش عندك وقت تعمليها كل يوم ممكن تحشيها كلها وتعملي نصها انهارده وتحطي

الباقي في طبق في الفريزر بس لازم تستخدميه تاني يوم لانه مش بيعد كتر من كده

الكنافه :

عادي بتعد ومفيش مشكله بس لو بالكريمه مش هتستحمل اما لو بالمكسرات هتعد بس هتنشف طيب الحل ايه . انا اقولك

ممكن تجيبي لبن وتغليه وعند التقديم تحطي كل خارطه في طبق وتحطي عليها اللبن المغلي بيكون طعمها لذيييييذ جدا جدا

طيب لو حد مش بيحب اللبن او الطريقه دي تقيله عليه

هقوله في طريقه تانيه : هاتي الكنافه الباقيه اللي عملتيها ومحدش راضي يكلها غالبا بتكون نشفت من العسل اللي عليها
هاتيها كسريها خالص يعني فتفتيها ومتكونش خرط وبعدين في بخاخه حطي فيها لبن وبخي اللبن عليها عشان تطري لو

فيها عسل كفايه خلاص لو عسلها قليل حطي شويه عليها كمان عشان تطري لو سمنتها كتيره مش تحطي تاني لو قليله

حطي معلقه ولا حاجه وعلي النار هاديه قلبها كلها وبعدين اما تسخن كده كبسيها في قوالب الجيلي الالمونيوم دي اللي

بيكون فيها اشكال في قاعها وبعدين اقلبيها في طبق وقدميها طبعا بيكون فيها مكسراتها لو حابه تضيفي كمان انتي وزوقك

بس فعلا بيكون طعمها جميييييل

اما بالنسبه للعصاير بئه فياريت نستخدم العصاير الطبيعيه بتكون مفيده جدا لجسم زي التمر هندي والخروب والكركديه

ماليش دعوة بالعرق سوس ^_^وماشي مفيش مانع من قمر الدين والجوافه والمانجه

والعصاير دي تحديدا مش هتكلم فيها انها اكيييد بتخلص لانه الواحد بيكون محتاج حاجه تساعده علي مواصلة الصلاه

والقيام ومش بتكون تقيله ولا حاجه بس ناخد بالنا من السكر اهم حاجه

الخشاف والتمر والكلام ده انا بنصح انه اليوم اللي نعمل فيه خشاف بلاش حلويات والعكس .
لان لو الاتنين مع بعض هيكون كتير اوي صحيا ونفسيا وماديا ^_^

ياجماعه والله السكريات دي اكبر غلط علينا ياريت ناخد بالنا هي البطن هتاخد ايه ولا ايه بس

ومننساش نفطر علي التمر سنه

واخير ا لا ننسي شهر رمضان في الاصل شهر الطاعات

لي عوده تانيه ان شاء الله في الاستعدادات للعيد والعشر ايام الاواخر اللي بتضيع فيها

في انتظار تعليقاتكم

رمضان كريم

كل سنه والامه الاسلاميه كلها بخير

رمضان كريم علينا وعليكم يارب

وينعاد عليكم باليمن والبركات

رمضان كريم

ميداليه....من بواقى الخرز..

احم احم ...فاضيين شويه؟؟أنا بقى

معنديش وقت ....

اوعوا تزعلوا
اصل مستكه شدة ودانى..علشان البوست ده
وهددتنى تهديد رهيب انها تعمل الشوربه.من غيرى
وطبعا بما انى مقدرش اتخيل شوربه من غيرى جيت جرى ومعايا ..البوست الجديد
طريقة عمل ميداليه من أى بواقى فى البيت
بس أهم شئ المكونات الاساسيه
يعنى لازم يكون عندنا سلك رفيع...ممكن سلك من بتوع الكهرباء

بس نغطيه باى شئ... علشان المظهر

الحقيقه انا اشتريت من الموسكى....سلوك ملونه شكلها جميل اهوه

بعدين نجيب من عند بتاع الكلف والخيوط...دواير الميداليات
ودى صورة الدايرة والسلك

لو مش عارفين دوروا على ميداليه قديمه وخدوا الدايرة بتاعتها
هندخل السلك فى الدايرة ونلفه حوالين نفسه ...بالشكل ده

وبعدين ندخل خرزة كبيرة..ونلف السلك تانى بالشكل ده

وبعدين نبد ندخل من كل طرف خرز 3 خرزات فى كل جانب بالشكل ده

وبعدين نلف السلك على بعضه بالشكل ده

آجى للذراعين..هاجيب سلك بلون تانى

والفه من عند الراس بالشكل ده

وابتدى أدخل الخرز علشان اعمل شكل الذراعين بالشكل ده

بعدين الف الطرفين الموف كل واحد على نفسه علشان الخرز

ميخرجش ويدينى شكل ايد

وبعدين
ابتدى ادخل خرز فى كل جانب علشان يبقى على شكل رجلين

ابتدى افنش الرجلين واقفل السلك على نفسه...بالشكل ده

وبكده ابقى خلصت الميداليه وهتكون بالشكل ده

بيييييييتزاااااااااا

السلام عليكم ورحمة الله وبركاته

لازم انزل بوست جديد فيه اول الكلام الفعلي بتاعنا

وعشان هو اول حاجه بئيت محتاره جدا

ياتري يكون عن ايه

هل نتكلم في موضوع اجتماعي يهمنا كبنات

ولا نبتدي مثلا بموضوع عن الاشغال اليدويه

ولا اكبر من كووول الصوداع ده ونعد نتكلم عن فضفضاتنا واحاسيسنا

واعدت افكر وافكر

وفجاه سمعت صوت

لا لا مش جرس الباب

دي عصافير بطني اللي صوتها راح من النونوه

قلت بس وجدتها

اول موضوع عن الاكل

وبما اني بحب جداااا البيتزا

قررت تكون اول وصفه للبيتزا

صحيح هي مش عمايل ايديا وحياة عنيا

لكن كل خطواتها كانت علي يدييييييي

و اكلت منها واقدر اؤكد لكم وابصم بالعشره انها كانت راااااااااااااائعه الطعم

وتسلم ايد اللي عمل

وبالهنا والشفا علي اللي اكل

وشوفوا وجربوا وتعالو قولولنا علي النتيجه

وانا كمان علي فكره هجرب بايدي ان شاء الله

واذا كان في العمر بقيه هاجي واقولكم النتيجة

ما احنا اتفقنا اني بتعلم معاكم

يلا بينا نبتدي :

بيتزا مارجريتا

المكونات :

1 ك دقيق

ملعقة خميره فوريه

1ملعقة ملح صغيره

نصف ملعقة سكر صغيره

نصف كوب زيت

2كوب زبادي

ماء دافيء

الطريقة ...

يوضع الملح والسكر والخميره علي الدقيق

ويقلب حتي يمتزج مع الدقيق ثم نضع الزبادي

والزيت ويقلب الخليط جيدا

(ملحوظه : الزيت بيتحط مباشرة دون تسخينه )

ثم يوضع الماء الدافي للعجن وبيكون حسب احتياج العجينه

مع مراعاة ان تكون المياه فاتره لانها لو ساخنه هتفشل العجينه

ويتم العجن

وتترك العجينه حتي تختمر تماما

ثم تقطع كرات علي حسب العدد المطلوب

ثم تفرد كل قطعه علي حدي ويضاف اليها الحشو

الحشو ...

بالنسبه للمكونات اللي بتتحط علي البيتزا دي حسب زوق كل واحد في الاكل

هنا حطينا فلفل اخضر - طماطم - زتون اسود قطع - لحم مفروم معصج

جبن متوزريلا - جبن دوبل كريم - صلصه عليها معلقة زيت وقيلي من الملح والفلفل

لدهان العجينه بعد فردها بالصلصه ثم نضع العصاج وعليه الطماطم والزتون والفلفل وعلي الوش الجبنه

(ملحوظه: بيتزا المارجريتا بتكون حشوها صلصه وجبنه فقط )

وده كان الشكل النهائي للبيتزا

وبالهنا والشفا

ياريت تجربو وتقولولي رايكم

اتأخرت عليكم

السلام عليكم ورحمة الله وبركاته

انا الموقع ادناه

حبهان

اسمى مذكر بس أنا انثى

عمرى ميهمش حد

انا حبهان.

زى ما قلت لكم

بحب الطبيخ ودايما مطبخى فيه ريحة شياط

بحب الاشغال اليدويه

ودايم تلاقينى بدور على الابرة والفتله

بحب ارسم.. وبرضه دايما ادور على فرشى والوانى

مش موجودين

المهم

الحقيقه انا عندى شويه افكار

ومستكه حبيبتى برضه عندها

وافكارها على افكارى

ان شاء الله هنفجر المدونات

لا لا

هنفجرها افكار

اوعوا تفهمونا غلط

هو فى شوربه تنفع من غيرنا

ااقصد مدونه

نورتو الشوربه بتاعتنا

ااقصد مدونتنا

وانتظرونا بعد الفاصل

والآن

الميكرفون مع مستكه

والدور عليها علشان تنزل اول افتكاسه

على فكرة مستكه مش عاوزة تنزل حاجه منقوله هنا

اى حاجه لازم هتكون متجربه

نورتونا.

.وبشويش علشان الشوربه سخنه

علي الهواء مباشرتا ... مستكه وحبهان

بسم الله الرحمن الرحيم


1



2



3




احم احم





السلام عليكم ورحمة الله وبركاته














مش عارفه اقول ايه






انا مستكه








طبعا فيه ناس تعرف مين مستكه






وكتير جدا ميعرفوش مستكه






معاكم مستكه بنت في العشرينات (قربت اتزحلق عالتلاتين )






هوايتي القراءه ومشاهده التلفزيون






اول تعاملي مع النت كان عن طريق المنتديات






وده كان السبب الرئيسي في اسمي






لان اول منتدي سجلت فيه كان حارة زعتر






وبما اني في حارة زعتر يبئي لازم يكون اسمي مستكه






من سنه تقريبا لقيت كل اصحابي ملاك مدونات






وكان السؤال الي بيطرح نفسه دايما :






انتي ليه مش بتعملي مدونه ليكي ؟






كنت بضحك , مدونة ايه اللي اعملها






واكتب فيها ايه ولا هو انا عندي ايه اقوله اصلا !!






لكن بعد سنه لئيت انه جميل جدا يكون فيه مكان ملكك






تتكلم فيه تعبر عن نفسك بتاعك انت مش بتاع حد تاني






طيب جميل






بس انا معرفش حاجه عن المدونه الا اسمها






جريت علي صحبتي واختي حبهانه


(حبهانه دي حكايه لوحدها هتيجي تعرف نفسها )


دي

واتفقنا اننا نعمل الشوربه سوا






يوووه قصدي المدونه






وطبعا فكرتها واضحه






يعني يوم ما حبهانه ومستكه يجتمعو سوا هتكون المدونه عن ايه غير الطاقه النوويه






هههههههههههههههه






قصدي المواضيع النسائيه






يلا وعشانا عليك يارب






وكلمه من هنا وكلمه من هنا






وادينا بنتعلم


وعلي الرغم اني ماليش تقل علي المواضيع دي


بس حبهانه عملتلي تنويم مغناطيسي واقنعتني


يلا ما انا لازم يكون عندي فكره عن حاجات كتيره :


- كيف تسلقي فرخه


- ازاي تركبي زورار


من الاخر عايزين نتعلم صنعه يا جدعان


وبلاش نعيش دور الايدي الناعمه ولا المقشفه


حاكم البنات دول انواع


اما تفضل طول النهار ماسكه المبرد تبرد ضوافرها


او واقفه علي حوض المطبخ تغسل الاطباق


احنا بئه عايزين النوع اللي في النص


يعني نكون شطار في المطبخ


ومهتمين بمظهرنا


وأواريب في التوفير والصناعات اليدويه البسيطه


مش عارفه ممكن نحقق ده ولا لا


بس ادينا مع بعض نجرب


ومتئلئوش


مدام فيه حبهانه ومستكه


ربنا يستر